ئەڤرۆ، ڕۆژا دووشەمبێ، ڕێکەفتی ١٤ی ئەیلوونا ٢٠٢٦ێ، ب مەرەما خۆ ئامادەکرنێ بۆ ساڵا نوو یا خواندنێ (٢٠٢٦–٢٠٢٧)،  ب سەرپەرشتیا ڕێزدار (د. دیار عبدالکریم سعید)، سەرۆکێ زانکۆیا زاخۆ، ئێکەمین کۆمبوونا خۆ ئەنجام دا.
ئەڤ کۆمبوونە ب ئامادەبوونا هاریکارێن سەرۆکێ زانکۆیێ، سەرۆک پشکێن خواندنێ و ڕێڤەبەرێن یەکەیێن زانستی هاتە سازکرن. ل دەستپێکا کۆمبوونێ، سەرۆکێ زانکۆیێ ب هەلکەفتا دەستپێکرنا ساڵا نوو یا خواندنێ، پیرۆزباهی ئاراستەی ئەندامێن ئامادەبووی کرن و هیڤی خواست کو ئەڤ ساڵە ببیتە ساڵەکا پڕ ژ پێشکەفتن، دەستکەفتێن زانستی و سەرکەفتن بۆ هەمی مامۆستا، فەرمانبەر و قوتابیێن زانکۆیێ.
پاشان، د کۆمبوونێ دا چەندین تەوەر و بابەتێن گرنگ یێن گرێدایی کارنامەیا زانکۆیێ هاتنە گەنگەشەکرن و دانوستاندن ل سەر هاتە کرن، کو گرنگترین ئەڤ خالێن خوارێ بوون:
• پەسەندکرنا ساڵنامەیا ئەکادیمی: گەنگەشەکرن و پەسەندکرنا ساڵنامەیا خواندنێ بۆ ساڵا ئەکادیمی یا (٢٠٢٦–٢٠٢٧).
• بەرهەڤیێن ساڵا نوی: هەلسەنگاندن و دارشتنا پلانان بۆ تەمامکرنا هەمی بەرهەڤیێن پێدڤی یێن زانستی و کارگێری بۆ پێشوازییکرن ل ساڵا نوو یا خواندنێ.
• پێشئێخستنا خزمەتگوزاریان: دانوستاندن ل سەر ڕێکار و میکانیزمێن پێدڤی بۆ باشترکرن و پێشخستنا ئاستێ وان خزمەتگوزاریێن پێشکێشی قوتابیان دهێنە کرن ل سەرجەم پشک و کۆلیژان، ب مەرەما دابینکرنا ژینگەهەکا گونجایتر یا فێربوونێ.